محموعة اقتراحات لرفع مستوي المنتدي و شكله و زيادة نشاطه

طيب ... بعد ما انهيت جولتي في المنتدي حبيت اعمل موضوع كامل و شامل وواحد بس اضع فيه بعض الاقتراحات اللي من وجهة نظري هترفع المنتدي جدا جدا و هتحلي من شكله و تزود نشاطه اكتر

بطبيعتي منظم فعملت فهرست لكل حاجة هتطرق لها و اتناولها في الموضوع دة و اتمني اهتمام من المسئولين بالموضوع اكثر ... في بعض الاستفسارات كمان في الموضوع لاني بصراحة ملقتش اي موضوع استرشادي يرشدني او يجاوبني علي استفساراتي دي
الفهرست :
1- الردود الموحودة في قسم القوانين
2- مشكلة التوقيعات
3- خاصية تحديد حجم الصور
4- قانون للحد من الردود الصغيرة عديمة المغزي
5- رسالة الترحيب
6- قانون للحد من الدوبل بوست
7- بالنسبة لمسح او تعديل الردود
8- وضع البطولات الجارية عالبوابة
9- استفسار بالنسبة لموضوع قطع الالفية ؟
10 استفسار اخر بالنسبة لموضوع الممالك ؟
11 - ما هو نظام التحديات بالضبط
12- ايه هو حوار بنك المنتدي دة

1- بالنسبة لقسم القوانين ...
طبعا انا زي ما قلت قبل كدة مدير 3 سنين لمنتدي يسمي يوكاجو فيه اكتر من 15000 عضو و دخلت اكاديميات كتيرة جدا و مسكت فيها اشراف و ساعات كنت استاذ بس مش كتير المهم دة مش حوارنا ... انا شفت ظاهرة غريبا جدا و هي ردود علي موضوعات القوانين في قسم القوانين ... الطبيعي في اي منتدي او اكاديمية تكون الموضوعات دي مفيهاش ردود من باقي الاعضاء الا للافادة يعني مثلا موضوع قانون المساهمات دة مثلا الاقي ردود " شكراااااااااا " شكرا علي ايه بس يا عم انت دة قانووون الحاجات دي اسمها spam و دة مع كااامل احترامي لاعضاء المنتدي عادة ما بيدل علي تخلف اعضاء المنتدي و تدني المستوي و بيدي فكرة وحشة جدا ... لذا ارجو غلق هذه الموضوعات و تنظيفها من الردود اللي ملهاش لزمة خااالص

2- التوقيعات :
التوقيع برده مشكلة انا لاحظتها في المنتدي يعني بعض التوقيعات ضخمة فعلا !!! لدرجة انها بتملا الشاشة عندي و دة حله اما خاصية التصغير و دي متاحة امام المدير او وضع قانون صارم بتصغير حجم التوقيع ايضا عدد التوقيعات 3 دة كثير ممكن يكون مقبول في حالة ان الثلاث توقيعات تكون بالحجم اللي فيه توقيعي و دة الحجم المعمول به في معظم المنتديات الاجنبية لان كبر حجم التوقيع بيقلل من سرعة الموقع وبيتقله جدا لذا اتمني وضع قانون اما بقفتح حجم التوقيع بس يكون توقيع واحد او جعل التوقيعات تلاتة زي ما هما بس وضع حجم للتوقيع لا يتعداه العضو

3- خاصية تحديد حجم الصور
من مروري عالمنتدي باكمله استنتجت ان نظام تحديد حجم الصور المرفوعة عالمنتدي كان معمول بس تم ايقافه و بصراحة انا اقترح عودته مرة اخري بس يكون الحجم معقول و يتم استخدام الخاصية بذكاء ان كدة انا ممكن ارفع صورة كبيرة مثلا تبطيء الموقع و دة عادة بيحصل في صور الديكات يعني ... و ان كانت مش مشكلة كبيرة بس حبيت اتطرق لها

4- الردود الصغيرة عديمة الجدوي
من مروري عالمنتدي من اوله لاخره وجدت بعض الردود هدفها زيادة عدد المساهمات وخلاص و بيكون شكلها مستفززززززز جداااا و بتبوز شكل الموضوع ... في المنتديات اللي انا دخلتها دايما بيكون في قانون ان الرد لازم يكون مفيد و يضيف جديد و مناسب لمموضو او لا يتعدي ال 15 كلمة مختلفة دة لمنع الردود القصيرة ... شفت ناس كتير يقوم جايبلك صورة شكرا جزيلا و خلاص علي كدة ... ايضا ردود زي مبروووووووووووووووووووووووووووك و خلاص دي هدفها زيا\ة المساهمات و خلاص و اصلا صاحبها ممكن يكون مقراش الموضوع اصلا و بتخلي اللي بيقرا الموضوع يتخنق و يزهق و ان كانت مقبولة بس في البعض بيكون قعلا مستفز و انا لاحظت ان مستر اونلاين حاول يحد من الموضوع دة و دة اكيد جهد مشكوور جدا

5- رسالة الترحيب :
بالنسبة لرسالة الترحيب يرجي تغييرها لان شكلها سيء جدا و فيها كلام غريب كدة مش مفهوم خااااالص و اكواد كدة غريبة ... يرجي الاستفادة منها في توصيل قوانين المنتدي و غرضه والاطار العام الخاص به وانشطته للعض الجديد علي طول يعني نستغلها فانها تكون رسالة تفهم العضو الجديد نظام المنتدي و الانشطة اللي شغالة و كدة عشان ميبقاش تايه زي حالاتي و تلاقو الاستفسارات كثيرة و مكررة و دة برده كانت حاجة انا عاملها في يوكاجو و كل المنتديات الاجنبية عاملاها

6- قانون للحد من الدوبل بوست :
الدوبل بوست واللي النوع الجديد منه الموجود هنا التريبل بوست و دة اول مرة اشوفه الصراحة دة ان عضو واحد يعمل مساهمة مرتين ورا بعض بدون فاصل و دة بيخلي شكل المنتدي وحش و بيدي انطباع سيء للعضو الجديد او الزائر للمنتدي و دة اللي حصل لي الصراحة لحد ما لاعبت نيوس ... لذا اتمني ان يتم قانون يحد او يمنع الدوبل بوست و دة بردضه معمول به في يوكاجو و كل المنتديات الاجنبية القوية

7- بالنسبة لمسح و تعديل الردود :
دة مش اقتراح اكتر منه استفسار ... انا بحاول ساعات اعدل ردودي و اضيف عليها عشان ملجاش للدوبل بوست بس مش بعرف لا امسح ردي او اعدله مش عارف ليه الصراحة هل انتو مانعين دة ولا مكن عشان انا ماليش رتبة و يا ريت لو انتو مانعينه تسمحوا به لانه بيقللل من الدوبل بوست االردود المتتالية

8- وضع البطولات الحالية او الجارية عالبوابة
طبعا انا عانيت عشان افهم ايه البطولات اللي شغالة دلوقتي خاصة اني لاقيت ان في حاجة اسمها عروض كمان و دي بوزت لي دماغي اكتر فيا ريت يتم وضع البطولات الجارية غلي البوابة و البطولات اللي باب التسجيل مفتوح فيها ايضا عالبوابة ليسهل علي الزائر او العضو الجديد التعامل ز الندماج في المنتدي و دة برده معمول به في يوكاجو وكل المنتديات الاجنبية القوية

9- استفسار بالنسبة لقطع الالفية ؟
دورت علي اي موضوع افهم منه حوار قطع الالفية دة ملقتش الصراحة مش عارف فيه ولا مفيش فعموما قلت اسال
عايز افهم ايه موضوع قطع الالفية دي و ايه فايدتها لما تكون معايا و اعمل ايه عشان اخدها و هل ينفع يكون معايا كذا واحدة ولا لع ^^

10 - بالنسبة للماك
نفس مشكلتي مع قطع الالفية هي مشكلتي مع الممالك مش فاهم ايه الممالك دي زي الاجنحة مثلا ولا ايه بالضبط مش فاهم الصراحة و مش عارف اعمل ايه عشان اخش مملكة .. يا ريت يتم وضع موضوع مثبت في كل مملكة و او في منتدي الممالك دة حتي يفهم منه العضو الجديد القادم حوار الممالك دة ايه بالضبط

11- ايه هو نظام التحديات في المنتدي و اعمل ايه عشان اتحدي عضو و كدة برده دورت علي مكان افهم منه ملقتش .. يرجي وضع موضوع مثبت في قسم التحديات لتوضيح الية التحديات و كدة

12- ايه موضوع بنك المنتدي دة بالضبط و اعمل ايه عشان اكسب نقاط مبارزة و ايه الاحزمة والاوسمة و الحفلات ايه الحاجات دي كلها عشان مش فاااهم حاجة خااااااالص هههههههههههههههه

13- بالنسبة للاستف المسئولين يعني انا شايف ان عدد المديرين مهوووووووووووووووووووووول يكتفي ب 2 او 3 يا ريت نقلل عدد الاستف لان كدة اللي شغالين في المنتدي هم الاستف بس هم النشطاء

14- بالنبة للفريق انا دخلت الفريق بس مش لاقي اسمي و ايه الامتيازات اني دخلت الفريق كعضو اساسي و امتي الرتبة بتاعتي تتغير ؟؟ ولا انتو اللي نسيتو ان نيوس اختبرني وانضممت و كدة
15- يا ريت بعد ما الموضوع يخلص يتقفل علي طول و يتمسح اي ردود ملها لازمة مثلا انا لاعبت نيوس و كسبته انا كتبت موضوع اني كسبت و نيوس رد قال ايوة حصل اي رد مبروووك بتاع كدة يتمسح و يرد مشرف او دير يقول جاري تحويل النقاط و غلق الموضوع و الموضوع يتقفل دة مثال يعني و اكرر برده ان دة نظام معمول به في كل المنتديات الاجنبية و في يوكاجو

في النهاية احب ااكد اني مش بتنطط علي حد ولا بعرفكو ازاي تشوفو شغلكو بس دي شوية اقتراحات لرفع المنتدي و جعله اكثر احترافية وتحسين شكله ورفع نشاطه و كله لمصلحة المنتدي والله مش يا يعني ^^ ... يا ريت مكنش طولت عليكو و يا ريت الاقي تجاوب من اعضاء المنتدي مع الموضوع لاهميتع ولتعبي فيه

و السلاااام خير ختااااام

مشكوووووووور للاخ احمد
بس يا ريت تكتب كل اقتراح لوحده فى كل موضوع
علشان يبقى اوضح و نقدر نتابعه
وكل واحده بعنوان منفصل

ايه ياعم كل ده
واحدة واحد
ة يابرني بالراحة علينا
^__^

انا مقدرتش اقرا الموضوع ده
+
شكرا على المجمود ياصديقي احمد طاهر

كل داه موضوع
طب استنى هقرا واحده واحده او هجزائه
كل يوم شويه

+

مشكور يا كبير على الموضوع داه

:Great JOB:

كتر الموضوعات من غير لازمة ملهوش لازمة ... مش مهم كل الاعضاء يقراوه قد ما مهم المديرين يقراوه لانه مهم جدا والكلام الموجود فيه لو اتطبق هيفيد المنتدي جدا ... الموضوع دة بالنسبة لموضوعات تانية انا عملتها قبل كدة صغير جداااااااا ^^
كان ممكن اعمل كل اقتراح او استفسار في موضوع لكن لميت كل الاقتراحات و حطيتها في موضوع واحد عشان التركيز ميتوزعش و كمان عشان شكل المنتدي لان كدة هيبقي انا عامل 17 موضوع متتالي !!!

مع كامل احترامي بس اذا مدير او مسئول كسل يقرا موضوع مهم زي دة يبقي فعلا ميستحقش المسئولية اللي هو فيهاا و اكرر انه مع كامل احترامي للاشخاص

اتمني اهتمام اكتر من الادارة

:Great JOB:

الله عليك يا برنس انا قريت الموضوع

و دي اجوبه لبعض الاستفسارات

1_حكايه الممالك الممالك نفس نظام الاجنحه بس الفرق الاسم بس ان في مملكنيم ولكن في ثلاث اجنحه

2_ قطع الالفيه تعتبر جوائز فمثلا انا اخدت قطعه الفيه في بطوله جوي و نيوس اخدها في بطوله تقريبا وممكن تاخد اكتر من واحده
3_وعشان تتحد عضو ممكن تدخل علي الاعضاء وتحدياتهم ونقاطهم وتكتب موضوع

4_ وحكايه المدراء الكثر تم حلها بواسطه فكره البرنس نيوس
+

ارجو اني اكون افدت وافدت الجميع

ازاي تم حلها ي انور ؟؟ يا ريت لو عندك كومودو تخش عالغرفة بتاعتي الموجودة في توقيعي عايز اكلمك بخصوص كذا حاجة .. عندي الهاماشي مهنج فيا ريت لو عندك كومودو تخش عالغرفة بتاعتي هتلاقي اسمي اما احمد طاهر او زملكاوي

بص البرنس نيوس اقترح ان مدير او اتني كفايه وعملوا القاب جديد


اما الكومودو فحد الله ما بيني وبينه

الهامشي اسهل و احسن

خلاص انا تمكنت من قراءة الموضوع بنجاح الحمد لله
وفهمت قصدك
هتلاقى قريب موضوع فى كل قسم بيشرح اللى انت عايزه وهبتدى من الان
+
عدد المديرين بقوا اربعه فقط

انا مقدرتش اقرا الموضوع داه ههههههههههه
بس باين انها اقتراحات حلوة ^^

تمام يبقي جاري بحث الاقتراحات وتنفيذها
+
يرجي غلق الموضوع
ولا اغلقه انا

تم غلق الموضوع